خروف العيد أبو ربع جنيه ، حد عايز يشترى ؟؟؟؟؟؟؟

[size=21]السلام عليكم ورحمة الله وبركاته

(خروف حياتى أبو ربع جنيه )

خروف العيد أبو ربع جنيه ، حد عايز يشترى ؟؟؟؟؟؟؟ 429

أخواتى / أخوتى الأعزاء الكرام ، كيف الحال ؟ عساه على ما يرام

أظنكم هنا فى المنتدى متعرفوش موضوع الخروف أبو ربع جنيه ده

طيب نقول الفكرة باختصار :

هى عبارة اننا نكون مجموعة مع بعض ، وهنحوش مع بعض علشان نجيب خروف للعيد ، خروف يدبح ويتوزع على الناس ، طبعا مش بيعتبر أضحية ولا حاجة ، ده مجرد صدقة وعمل خير نطعم الناس فى موسم إطعامهم اللى ربنا شرعهلهم ، الفكرة دى كانت مطروحة قبل كده فى منتدى من المنتديات ، واحنا بنكررها تانى مع فريق حياتى لله وده فريق خيرى متكون على منتدى مصطفى حسنى ، وسمناه خروف حياتى .

طيب هو احنا نقدر نشترى خروف ؟!

ان شاء الله نقدر ، لانى قولت مجموعة يعنى مش حد لوحده ، طب ازاى ؟

المجموعة هتتكون ان شاء الله من 15 فرد ، كل فرد مطلوب منه أنو يستغنى عن ربع جنيه فى اليوم ، لمدة سنة ، تبدأ من شهر ذو القعدة السنادى لشهر ذو القاعدة السنة الجاية ان شاء الله على حساب ان الشهر 30يوم يبقى كده على نهاية المدة مفروض يبقى معانا 1350 جنيه حق خروف حلو ، أو مش لازم خروف ممكن لو تعثر ان المجموعة توصل 15 نخليها 10 هيبقى معانا 900 جنيه نجيب بيهم لحمة وتتفرق كنشاط من أنشطة الفريق ، طبعا بما أنو نشاط يبقى عاوزين بقى اكتر من مجموعة ، وكل ما المجموعات تكتر فرصتنا فى اللحمة بتكبر :mh34:

هل الربع جنيه كتير ؟ أظن ميجيش حق شوية لبان بنجبهم كل يوم .

طيب هل فى مشكلة ؟ أظن المشكلة هى مشكلة الاستمرارية ، الناس بتقع وتكسل فى النص بس ده لعدة أسباب ، أن الناس بعيده عن بعضها ، مفيش حد مسئول عن المتابعة ، أنا اعرف ناس لسه مكملين من السنة اللى فاتت كنت بدأته معاهم بس هم فى محافظه تانيه فانا كسلت ، عارفين هم وصولو لكم
بقى معاهم 7000 جنيه لحد دلوقتى يعنى الخروف كبر وبقى عجل ماشاء الله ، لانهم دخلو أباهتهم وأماتهم وناس كبيرة بقت تديهم فلوس أكتر .

بس احنا مش طماعين كفاية علينا ربع جنيه فى اليوم .

هنحل مشكلة الاستمرارية والمتابعة دى بإن أفراد المجموعة الواحدة يكونو من محافظة واحدة وسهل المقابلة علشان المبلغ هيتجمه كل فترة معينة ، من خلال مسئول المتابعة ، علشان الناس متصرفش الفلوس .

اتمنى من الله ان اول مجموعة تتكون ولو من 10 بدل 15 وانا هبقى مسؤلة عن التجميع ، وهجمع منكو كل فترة ولتكن كل شهر.

أنا بوجه الدعوة دى ليكو انكو تكونو معانا فى مشروع الخروف ممكن نكون مجموعة هنا على المنتدى ، أو لو المجموعة صغيرة لو حتى واحد او اتنين ننضم للممجموعة اللى هناك بالأسماء فقط لكن المتابعة تكون هنا ان شاء الله
يلا يا جماعة ، احنا شباب اه نلعب ونضحك ونعمل كل اللى احنا عاوزينهه ، بس نخلى جزء ولو بسيط جداااااا للعمل الخير وحاجة ربنا يفتكرنا بيها لعلها تكون شاهد لينا
[size=21]سير يا قطيع الخير خطوة فى طريق الله
خروف العيد أبو ربع جنيه ، حد عايز يشترى ؟؟؟؟؟؟؟ 1200582671clip_8

خروف العيد أبو ربع جنيه ، حد عايز يشترى ؟؟؟؟؟؟؟ 1200582671clip_8

[/size]

قشطة الموضوع جامد بس حكاية ربع جنيه يوميا دي مشكلة
لان واحد زيي في جامعة معايا الفلوس مش محددة احيانا بتبقى معايا فلوس كتير و احيان تانية لأ بس انا هحاول اجمع الي اقدر عليه
و ربنا يوفقنا و ياريت لو في معلومات اكتر عن الموضوع
و انا هبتدي احوش من النهاردة و ادي اول ربع جنيه Idea

موضوع: عربون صداقه الجمعة نوفمبر 07, 2008 3:52 pm

اننى معكى فى ذلك للأننا فى زمن ينشر فيه الطمع والحقد ولان ايضا ربع جنيه سوف لأ يؤثر فى شئ فقد انتهى عصر الربع جنيه اننى اوافق على هذا الموضوع واقدر تعبك ومجهودك العظيم فى اخراجه وشكرا
وعلى فكره صوره الخرف اللى فوق حلوة اوى nice

السلام عليكم ورحمة الله وبركاته
بشكركم جدا جدا يا شباب على الرد

Red_dragon كتب:: قشطة الموضوع جامد بس حكاية ربع جنيه يوميا دي مشكلة
لان واحد زيي في جامعة معايا الفلوس مش محددة احيانا بتبقى معايا فلوس كتير و احيان تانية لأ بس انا هحاول اجمع الي اقدر عليه
و ربنا يوفقنا و ياريت لو في معلومات اكتر عن الموضوع
و انا هبتدي احوش من النهاردة و ادي اول ربع جنيه

ممممممممم ، يعنى ربع جنيه بردو مشكلة يا هندزه ، طيب زى ما قولت بيبقى فى أوقات فيها فلوس وأوقات لأ ممكن نبقى نزود سنة فى الأوقات اللى فيها فلوس علشان لما العملية تنشف نبقى فى الامان Very Happy

وبالنسبة للمعلومات الأكتر دى ، انتو حابين تعرفو أيه أسألونى وانا ارد عليكو فى أى حاجة

eslam كتب:

ربنا يكرمك يا اخ إسلام وان شاء الله الزمن مش وحش أوى كده احنا اللى بادينا نخليه حلو او وحش لو خلينا عندنا شوية امل فى ربنا ان شاء الله
وانا عتبرك كده معانا ان شاء الله
لو تعرف بشمهندس احمد وان شاء الله تكون أكيد عارفه ، تبقى تديله كل شهر مصلا السبعة جنيه ونص وهاخدهم منه ، وحضرتك يا بشمهندس ، كل شهر تجيب منه فلوسه على فلوسك وانا هضمكم معانا على المجموعتين اللى على منتدى محبى مصطفى حسنى لحين ما ربنا يكرم والعدد اللى هنا يزيد ، انا فى المجموعة اللى هناك بردو بتابع وهاخد منهم الفلوس كل شهر وفى ناس فعلا دفعت اول شهر مقدما ، وفى واحد بيجمع من الشباب ونجمع مع بعض فى الآخر ونشوف هنشرتى ازاى والنظام هيبقى أيه دعواتكو بقى ان المشروع يتم وربنا يكرمنا بالاستمرارية لآخر السنة ونأكل الفقرا واحنا شباب غلابة كده يدوب منملكش غير مصروفنا ، ياااااااااه تخيلو فرحة ربنا بينا .

انا بالنسبالي مفيش مشكلة و ابتديت بالفعل اشيل الفلوس
و بالنسبة لاسلام انا هشوف جديته في الموضوع و لو كده هبقى اجمع منه الفلوس كل 3 اشهر ولا حاجة عشان يبقى جمع مبلغ يستاهل المشوار
و شكرا على البداية الجميلة لان فعلا احنا محتاجين حماس لحجات كتير
و ده كانت الفكرة الي خلتني اعمل المنتدى
اننا نتجمع على حاجة كويسة و نكون فيها يد واحدة
لذا انتظر العديد من الموضوعات الايجابية يا احلى شباب

السلام عليكم ورجمة الله وبركاته

ازيكو جميعا أخباركم أيه

خلاص خلص أول شهر فى تحويش الفلوس

والحمد لله الناس ملتزمة

وبشكر بشمهندس احمد جدا انو كمان بعت الفلوس قبل المعاد

ودعاوتكو مشروعنا يكمل

الحمد لله الناس اللى كانت بتحوش للمشروع ده السنة اللى فاتت جمعو خلاص وعملو فكره حلوة انهم هيخلوها أضحية لأهل غزة فى ناس مختصه بتبعتلهم لحمة الأضحية

لا بقى نشد حيلنا احنا كمان والله المستعان